{{Quote|Custu libreddu líu dedico a totucantos, a sos chi difendent custa limba chircande de la faveddare in totube, siat in intro siat in foras, a sos frades sardos de su disterru; ma puru a chie sa limba non la ischit ca no la at pottia imparare in familia, o a chie la at trascurada a puntu de nche la ponner a banda de su tottu. Pro tottu bi at remediu, francu sa morte; custu balet mescamente pro sas limbas, chi comente a una carena umana sichit a bìver o si trazat a puntu de si nche morrer. Sa birgonza, pro more de unu terrorismu ideologicu chi no nche at ''postu'', ma ''impostu'' un'attera limba isperdende sa nostra chentza perunu grabbu in su tempus colau, at fattu a manera chi medas si nche la ant irmenticada e, cando si ant a abbizzareabizzare chi la ant perdia pro semper chentza facher nudda, tando at a esser troppu a tardu. Sa limba no est una prenda de mantenner in domo ebbìa, est una pranta e si nche morit cando prus nemmancu un'anima li podet - o li bolet - dare cara; su camminu a ube si diat a cromper est cussu, si non provamus a torrare su sardu a sa sociedade e a su futuru nostru, sos pitzinnos. Sa retza (su "web") est unu locu mannu mannu, isperemus chi bi apat pessones chi a custu argumentu bi tenent. Difatis, sa pranta creschet goi!|<small>[[Utente:Dk1919 Franking|Su chi at fattu custu libru]]Frantziscu</small>}}
